“Реал”нинг апелляцияси қаноатлантирилмади
Спорт
−
21 Февраль 3329
Апелляция қўмитаси Мадриднинг “Реал” клубининг ярим ҳимоячи Жуд Беллингемнинг икки ўйинга дисквалификациясини бекор қилиш ҳақидаги илтимосини эътиборсиз қолдирди. Шу боис инглиз футболчиси Ла Лиганинг кейинги икки ўйинини – “Жирона” ва “Бетис”га қарши ўйинни ўтказиб юборади.
19 февраль куни инглиз футболчиси Испания чемпионатининг 24-туридан ўрин олган “Реал” - “Осасуна” учрашуви ҳакамига нисбатан беадаб сўзлар ишлатгани учун икки ўйинга дисквалификация қилинганди.
Ўйиндан сўнг “Реал” устози Карло Анчелотти ва футболчининг ўзи ҳакамга нисбатан ҳақоратомуз сўз ишлатганини инкор этди. “Реал Мадрид” айни дамда 51 очко билан Ла Лига турнир жадвалида 2-ўринда бормоқда.
Эслатиб ўтамиз, аввалроқ “Реал”га Европа Чемпионлар лигаси қуръасида ҳамшаҳари “Атлетико” рақиб бўлгани хабар қилинганди.
Live
Барчаси
