“Реал” “Боруссия Дортмунд”нинг қимматбаҳо футболчисини сотиб олмоқчи

Испанияниннг “Реал Мадрид” клуби “Боруссия Дортмунд” жамоаси ярим ҳимоячиси Жуд Беллингемни ўз сафига қўшиб олмоқчи. Бу ҳақда “Маrcа” нашри ёзмоқда.

Манбага кўра, 2023 йилининг ёзида дунёнинг гранд клубларнинг нигоҳи “Боруссия Дортмунд” ярим ҳимоячисига қаратилади.

“Реал Мадрид” раҳбарияти ҳам Жуд Беллингемнинг атрофида содир бўлаётган вазиятни диққат билан кузатмоқда. Мадрид клуби расмийлари орасида англиялик футболчининг трансфер масаласи ва унинг нархи фаол муҳокама қилинмоқда.

“Қироллик” клуби расмийлари Жуд Беллингемни Мадридга олиб келиш учун астойдил курашади. Сабаби раҳбарият Орельен Тчуамени ва Эдуарду Камавинга тандемига инглиз футболчисини ҳам қўшмоқчи.

Маълумот учун, жорий мавсумда 19 ёшли футболчи “Боруссия Дортмунд” сафида 12 та учрашувда майдонга тушиб, 4 гол урди ва 2 та голли узатма амалга оширди. Жуднинг немис клуби билан имзолаган шартномаси 2024 йилгача мўлжалланган. “Тransfermarkt” портали англиялик иқтидор эгасини 90 миллион еврога баҳоламоқда.