Rasman: Ronaldu “Al-Nasr” bilan shartnomasini uzaytirdi (video)
Sport
−
26 iyun 4660 1 daqiqa
Portugaliyalik hujumchi Krishtianu Ronaldu Saudiya Arabistonining “Al-Nasr” klubida qoladi. Bu haqda klub matbuot xizmati xabar berdi.
40 yoshli hujumchi “Al-Nasr” bilan yangi shartnomaga imzo chekkan – u 2027 yilning yozigacha mo‘ljallangan. Saudiya klubi portugaliyalik yulduz ishtirokidagi videoni e’lon qilib, unga quyidagicha sarlavha qo‘ydi: “Tarix davom etadi”.
“Al-Nasr abadiy”, deydi Ronalduning o‘zi videoda.
Ma’lumot uchun, portugaliyalik megayulduz ushbu klubga 2023 yil yanvar oyida qo‘shilgandi. O‘tgan mavsumda u barcha musobaqalarda 35 ta gol urdi va 4 ta golli uzatma amalga oshirdi. Shunga qaramay, “Al-Nasr” ushbu mavsumda hech qanday sovrinni qo‘lga kirita olmadi. Saudiya Pro-ligasida jamoa 70 ochko jamg‘arib, uchinchi o‘rinda yakunladi.
