Расман: Роналду “Ал-Наср” билан шартномасини узайтирди (видео)

Спорт

−

26 Июнь visibility4668 timer1 дақиқа

Португалиялик ҳужумчи Криштиану Роналду Саудия Арабистонининг “Ал-Наср” клубида қолади. Бу ҳақда клуб матбуот хизмати хабар берди.

40 ёшли ҳужумчи “Ал-Наср” билан янги шартномага имзо чеккан – у 2027 йилнинг ёзигача мўлжалланган. Саудия клуби португалиялик юлдуз иштирокидаги видеони эълон қилиб, унга қуйидагича сарлавҳа қўйди: “Тарих давом этади”.

“Ал-Наср абадий”, дейди Роналдунинг ўзи видеода.

Маълумот учун, португалиялик мегаюлдуз ушбу клубга 2023 йил январь ойида қўшилганди. Ўтган мавсумда у барча мусобақаларда 35 та гол урди ва 4 та голли узатма амалга оширди. Шунга қарамай, “Ал-Наср” ушбу мавсумда ҳеч қандай совринни қўлга кирита олмади. Саудия Про-лигасида жамоа 70 очко жамғариб, учинчи ўринда якунлади.

Мақола муаллифи