Расман: ПСЖ “Интер” футболчисини трансфер қилди
Спорт
−
06 Июль 2023 3558
Франциянинг ПСЖ клуби “Интер” ҳимоячиси Милан Шкриньяр трансферини эълон қилди. Бу ҳақда жамоа расмий сайти орқали хабар берилди.
Манбага кўра, бугун, 6 июль куни “Интер” марказий ҳимоячиси эркин агент сифатида парижликлар сафига келиб қўшилган. Шкриньяр ва ПСЖ ўртасидаги шартнома 5 йил, 2028 йилнинг 30 июнига қадар амал қилади.
“Transfermarkt” интернет порталида 28 ёшли Словакия вакилининг нархи 50 миллион евро этиб белгиланган.
Маълумот учун, 2017 йилдан буён “Интер” шарафини ҳимоя қилиб келаётган Милан Италия А сериясида умумий 231 та учрашувда майдонга тушиб, 10 та гол ва 4 та голли узатмага муаллифлик қилган. Шунингдек, у “нерадзуррилар” билан Италия чемпионати, Италия Суперкубоги (2 марта) ҳамда Италия Кубогида (2 марта) ғалаба қозонишга муваффақ бўлган.
