Рақамли давлат бошқаруви: Huawei GovTech 1.0 интеллектуал бошқарув ривожланишининг янги босқичи

Сунъий интеллект давлатларнинг глобал рақобатбардошлигининг асосий омилларидан бирига айланмоқда. Технологияларнинг жадал ривожланишига жавобан Huawei GovTech 1.0’ни тақдим этди — бу сунъий интеллект даврида рақамли давлат бошқарувини янада ривожлантириш концепциясидир. Гап шунчаки янги рақамли ечимларни жорий этиш ҳақида эмас, балки маълумотлар, булутли технологиялар ва сунъий интеллект ёрдамида янада проактив, қулай ва фуқароларга йўналтирилган давлат хизматларини шакллантирувчи рақамли давлатнинг кейинги етуклик босқичига ўтиш ҳақида бормоқда.

Рақамлаштиришдан сунъий интеллект даврига

Сўнгги йилларда дунёнинг кўплаб мамлакатлари, жумладан Ўзбекистон ҳам рақамли давлат хизматлари, идоралараро ҳамкорлик ва замонавий рақамли инфратузилмани ривожлантиришда сезиларли ютуқларга эришди. Авваллари асосий эътибор алоҳида жараёнларни рақамлаштириш ва электрон хизматларни яратишга қаратилган бўлса, бугунги кунда кейинги босқич — янада интеллектуал ва интеграциялашган давлат бошқаруви тизимини шакллантиришдан иборат.

Булутли технологиялар ва сунъий интеллект ривожланиб борар экан, давлатлар маълумотларни бошқарув самарадорлигини ошириш, иқтисодиётни ривожлантириш ва давлат хизматлари сифатини яхшилаш учун стратегик ресурс сифатида қўллайдиган моделга ўтмоқда. Сунъий интеллект даврида маълумотларни интеграциялаш, проактив хизматларни ривожлантириш ва давлат бошқарувининг янада мослашувчан рақамли архитектурасини яратиш алоҳида аҳамият касб этмоқда.

Глобал истиқболларни баҳолаш учун Huawei Global рақамлаштириш ва интеллектуаллаштириш индекси — GDII (Global Digitalization & Intelligence Index)ни тақдим этади. Huawei, IDC ва GSMA Intelligence билан ҳамкорликда ишлаб чиқилган ушбу индекс 90 та мамлакатни 7 та йўналиш бўйича таққослайди: маълумотларни яратиш, узатиш, қайта ишлаш, сақлаш ва қўллаш, шунингдек рақамли энергетика, сиёсат, истеъдодлар ва экотизим. Бу эса, узоқ муддатли рақамли ривожланиш стратегияларини шакллантириш ва сармояларни янада самарали режалаштириш учун муҳим йўналиш беради.

GovTech 1.0

Huawei’нинг фикрига кўра, дунё тармоқлар, булутли ҳисоблаш ва интеллектуал технологияларнинг чуқур интеграциясига асосланган ривожланишнинг янги босқичига кириб бормоқда. Бундай шароитда маълумотлар замонавий давлат учун энг муҳим ресурслардан бирига айланмоқда, рақамли платформалар эса, сунъий интеллект даврининг янги имкониятларига мослашиш ва янада ривожланишни талаб қилмоқда.
GovTech 1.0 бу инфратузилма, маълумотлар ва интеллектуал хизматларни ягона бошқарув экотизимига интеграциялашга йўналтирилган рақамли ҳукуматни ривожлантиришнинг яхлит архитектураси ҳисобланади.

“Бугунги кунда рақамли трансформация оддий жараёнларни автоматлаштиришдан анча кенг тушунчага айланди. Кейинги босқич — маълумотлар ва технологиялар давлатларга фуқаролар ҳамда бизнес учун янада қулай, шахсийлаштирилган ва проактив хизматларни тақдим этишга ёрдам берадиган интеллектуал экотизимни шакллантиришдир. GovTech 1.0 орқали биз янги авлод интеллектуал давлат бошқаруви учун технологик асосни ривожлантирмоқдамиз”, — деди Jesson Ni, Huawei’нинг Яқин Шарқ ва Марказий Осиё минтақасидаги АКТ маркетинги ва ечимлар савдоси бўлими президенти.

GovTech 1.0’нинг тўртта даражаси

Huawei GovTech 1.0 рақамли давлат бошқарувини янада ривожлантириш учун ўзаро боғлиқ тўртта даражага асосланган комплекс ёндашувни таклиф этади.

Тармоқларнинг кенг доирали қамрови

Huawei барча давлат тузилмалари учун ультра кенг доирали, кўп функцияли ва конвергент тармоқларни жорий этишни таклиф этади. Wi-Fi 7 ва IPv6 технологияларидан фойдаланиш давлат платформалари, миллий булут инфратузилмаси ҳамда чекка қурилмалар (камералар, планшетлар) ўртасида ишончли ўзаро алоқани таъминлайди.

Платформаларни стандартлаштириш

GovTech 1.0 замонавий давлат булутли платформаларини яратиш ҳамда ҳисоблаш ресурслари ва маълумотларни бошқаришнинг ягона ёндашувларини қўллаб-қувватлайди. Бундай ёндашув идоралараро ҳамкорликни янада самарали ташкил этиш, сунъий интеллект платформаларини ривожлантириш, рақамли хизматларни кенгайтириш ва ахборот хавфсизлигининг юқори даражасини таъминлашга хизмат қилади. Стандартлаштирилган булут инфратузилмаси, шунингдек, давлат ташкилотларига заруратга қараб ҳисоблаш ресурслари ва NPU қувватларидан мослашувчан фойдаланиш имконини бериб, кейинги сунъий интеллект трансформацияси учун асос яратади.

Маълумотларни уйғунлаштириш

Интеллектуал давлатнинг энг муҳим омилларидан бири – маълумотлар билан самарали ишлаш ҳисобланади. Huawei GovTech 1.0 маълумотларнинг хавфсиз алмашинуви, маълумотларни бошқариш сифатини ошириш ва давлат ахборот тизимларининг янада чуқур интеграцияси учун шароит яратишга йўналтирилган. Бундай ёндашув хавфсизлик ва рақамли суверенитет талабларига риоя қилган ҳолда идоралараро ҳамкорлик самарадорлигини ошириш ҳамда маълумотлар асосида қўшимча қиймат яратишга хизмат қилади.

Иловаларни интеллектуаллаштириш

Инновацияларни жорий этишни тезлаштириш мақсадида Huawei DevCloud ва ModelArts каби замонавий булутли ишлаб чиқиш воситалари ҳамда сунъий интеллект платформаларини таклиф этади. Ушбу ечимлар давлат хизматларига сунъий интеллектни интеграция қилишни соддалаштиради ва янги рақамли иловаларни яратишни тезлаштиради.

Интеллектуал келажак

Дунё сунъий интеллект даврига ўтиб борар экан, давлатлар рақамли платформалар, интеграциялашган хизматлар ва интеллектуал инфратузилмани ривожлантиришда давом этиб, янги рақамли иқтисодиёт босқичи учун асос яратмоқдалар. Huawei’нинг таъкидлашича, GovTech 1.0 интеллектуал давлат бошқарувини янада ривожлантириш, рақамли хизматлар самарадорлигини ошириш ҳамда давлат, фуқаролар ва бизнес ўртасида янада проактив ҳамкорлик моделини шакллантириш воситаларидан бири бўлиши мумкин.