Rafinya Messi va Neymarni ortda qoldirdi

“Barselona” vingeri Rafinya muhim statistik ko‘rsatkich bo‘yicha “ko‘k-anorranglilar” tarixidagi mashhur futbolchilar Lionel Messi va Neymarni ortda qoldirdi. Bu haqda “Championat” nashri xabar berdi.

Rafinya Yevropa Chempionlar ligasida o‘ynagan daqiqalar va gollar nisbati bo‘yicha “Barselona” tarixidagi eng yaxshi futbolchiga aylandi. Reytingni tuzishda faqat maydonda 1000 daqiqadan ortiq vaqt o‘tkazgan futbolchilar hisobga olindi. Braziliyalik futbolchi klubda har bir gol uchun 75 daqiqa vaqt sarflamoqda.

“Barselona»” futbolchilari YeCHLda o‘ynagan daqiqalar va urilgan gollar nisbati:

Rafinya - 1 gol uchun 75 daqiqa;
Lionel Messi - 1 gol uchun 80 daqiqa;
Neymar - 1 gol uchun 95 daqiqa;
Xristo Stoichkov - 1 gol uchun 97 daqiqa;
Robert Levandovski - 1 gol uchun 101 daqiqa.

Ma’lumot uchun, “Barselona” YeCHL umumiy guruh bosqichining oxirgi turida Italiyaning “Atalanta” jamoasi bilan bahs olib borib, 2:2 hisobidagi durangga imzo chekdi va umumiy guruh jadvalida 2-o‘rinni egallab, to‘g‘ridan to‘g‘ri keyingi bosqichga yo‘l oldi.