Путин Шольц ва Макронга шарт қўйди

Россия Президенти Владимир Путин, Франция Президенти Эммануэль Макрон ва Германия канцлери Олаф Шольц март ойи ўрталаридан бери илк бор уч томонлама телефон орқали мулоқот қилди. Германия расмийларига кўра, мулоқот Берлин ва Париж ташаббуси билан бўлиб ўтган ва тахминан 80 дақиқа давом этган. Мулоқотда Путин Ғарб санкцияларини бекор қилиш шарти билан дунёда кечаётган дон тақчиллигини ҳал қилишга ваъда берган.

Кремлга кўра, суҳбатнинг асосий мавзулари Украинадаги вазият ва глобал озиқ-овқат хавфсизлигини таъминлаш бўлган.

Путин Киев билан мулоқотни қайта тиклашга очиқлигини ва санкциялар бекор қилинган ҳолда қишлоқ хўжалиги маҳсулотлари ва ўғитлар экспортини оширишга тайёрлигини таъкидлаган.

Россия Президенти давом этаётган махсус ҳарбий операция контекстидаги сўнгги ўзгаришлар ҳақида батафсил маълумот бериб,  Россия Қуролли Кучлари халқаро гуманитар ҳуқуқ нормаларига қатъий риоя этишини таъкидлаб, Мариупол ва Донбасснинг озод қилинган бошқа шаҳарларида тинч ҳаёт ўрнатиш бўйича тизимли ишлар қандай ташкил этилгани ҳақида маълумот берди. 

Қайд этилишича, Киев айби билан музлатиб қўйилган музокаралар йўлидаги вазиятга алоҳида эътибор қаратилмоқда. Владимир Путин Россия томонининг мулоқотни тиклашга очиқлигини тасдиқлаган. 

Россия Президенти, шунингдек, Украинани Ғарб қуроллари билан давом эттиришнинг хавфли табиати масаласини кескинлаштирди ва бу борада вазиятни янада беқарорлаштириш ва гуманитар инқирозни кучайтириш хавфи ҳақида огоҳлантирди. 

“Жаҳон озиқ-овқат хавфсизлигини таъминлаш соҳасидаги вазият атрофлича кўриб чиқилди. Владимир Путин Ғарб давлатларининг нотўғри иқтисодий ва молиявий сиёсати, шунингдек, Россияга қарши қўллаган санкциялари натижасида юзага келган озиқ-овқат таъминотидаги қийинчиликларнинг асл сабабларини асосли ва аниқ маълумотлар асосида тушунтириб берди. Ўз навбатида, Россия донни тўсиқсиз экспорт қилиш, жумладан, Қора денгиз портларидан Украина донини экспорт қилиш имкониятларини топишга ёрдам беришга тайёр. Россия ўғитлари ва қишлоқ хўжалиги маҳсулотларини етказиб бериш ҳажмининг ошиши ҳам жаҳон озиқ-овқат бозоридаги кескинликни камайтиришга ёрдам беради, бу, албатта, тегишли санкциялар чекловларини олиб ташлашни талаб қилади”, дейилади Кремль тарқатган расмий хабарда. 

Россия етакчиси Матбуот котиби Дмитрий Песковнинг айтишича, Путин, Макрон ва Шольц телефон орқали алоқаларни давом эттиришга келишиб олган. 

Маълумот учун, Россия, Франция ва Германия раҳбарлари ўртасидаги уч томонлама мулоқот сўнгги бор жорий йилнинг 12 март куни бўлиб ўтган эди. Унда асосий майзулар Украинадаги гуманитар вазият ва Москва ва Киев ўртасидаги музокаралар бўлган.