ПСЖ Месси ўрнига “Марсель” аъзосини сотиб олиши мумкин

“Марсель”нинг чилилик ҳужумчиси Алексис Санчес ПСЖда аргентиналик ҳужумчи Лионель Мессининг ўрнини эгаллаши мумкин. Бу ҳақда “El Deportivo” хабар берди.

Манбага кўра, ПСЖ вакиллари аллақачон Санчес атрофидагилар билан боғланган. Қайд этилишича, Санчес “Марсель”да бахтли бўлсада, унинг амбициялари Париж клуби сафига кўчиб ўтишга таъсир қилиши мумкин. Чилилик ҳужумчининг агенти футболчининг келгуси фаолиятини муҳокама қилиш учун душанба куни Францияга етиб келди.

Санчес “Марсель”да 2022 йилдан бери тўп суради. Футболчининг клуб билан шартномаси 2023 йилгача мўлжалланган. Жорий мавсумда чилилик футболчи барча мусобақаларда 41 та ўйинда қатнашиб, 18 та гол урди ва 3 та голли узатмани амалга оширди.

Эслатиб ўтамиз, аввалроқ ПСЖ Мессига АПЛдан ўринбосар топгани маълум бўлганди. Клуб “Тоттенхем” аъзоси Ҳарри Кейнни сотиб олиш учун 100 миллион евро беришга тайёр.