Provokatsiyaga beriladigan davlat emasmiz – Fidan Eronni keskin ogohlantirdi (video)

Joriy yilning 7 mart kuni Turkiya Tashqi ishlar vaziri Hoqon Fidan Erondan mamlakatga yo‘nalitirilgan raketa haqida bayonot berdi va bu mavzuda Eronni keskin ogohlantirdi. Bu haqda vazir Turkiy davlatlar tashkilotiga a’zo mamlakatlar TIV vazirlarining norasmiy yig‘ilishidan keyingi matbuot anjumanida ma’lum qildi.

Vazir Turkiya oson provakatsiyaga beriladigan mamlakat emasligini va Erondan hech kim bunday mojorolarga aralashmasligini ta’kidlagan.

“Biz osongina provokatsiyaga beriladigan davlat emasmiz. O‘z xavfsizligimizni himoya qilishda hech qanday muammo yo‘q. Shu bilan birga, biz provokatsiyaga berilish va urushning domiga tortilish nima ekanligini ham juda yaxshi bilamiz. Biz Eron bilan muloqot qildik va aytdik-ki, agar bu raketa yo‘lini adashtirgan bo‘lsa, bu alohida masala. Lekin agar bu davom etadigan hodisa bo‘lsa, u bir marta bo‘ladi. Agar davom etadigan bo‘lsa, bizning maslahatimiz – diqqatli bo‘ling va bunday sarguzashtlarga Erondan hech kim aralashmasin”, deydi Fidan.

Shuningdek, u Turkiya mintaqada o‘z prinsiplariga sodiq kam sonli davlatlardan biri ekanini aytgan.

“Chunki Turkiya shu vaqtgacha do‘stona munosabatlarini, barqarorlik va tinchlikni ta’minlashdagi prinsipial pozitsiyasini har doim namoyon qilib kelgan. Eron uzoq yillardan beri sanksiyalar ostida, turli qiyinchiliklarga duch kelgan, ammo Turkiya mintaqada o‘z prinsiplariga, qoidalariga sodiq, shaffof va barqaror harakat qilayotgan kam sonli davlatlardan biri bo‘lib qolgan”, deydi Hoqon Fidan.

Eslatib o‘tamiz, avvalroq Erondagi urush fonida Turkiy davlatlat tashkilotiga a’zo mamlakatlar Tashqi ishlar vazirlari kengashining norasmiy yig‘ilishi o‘tkazilgandi. Unda O‘zbekiston Tashqi ishlar vaziri Baxtiyor Saidov ham qatnashdi.

Vazir Saidov uchrashuv doirasida Turkiya Prezidenti Rajab Toyib Erdo‘g‘an bilan uchrashgan.