Провокация “қурбони” бўлган Роналду яна қизил “ишлаб олди” (видео)
Спорт
−
09 Апрель 4537
Криштиану Роналду Саудия Арабистони Суперкубоги ярим финал ўйинида қизил карточка олиб, майдондан четлатилди.
“Ал-Наср”нинг “Ал-Ҳилол”га қарши баҳсининг 86-дақиқада бош ҳакам Криштиану Роналдуга қизил карточка кўрсатди. Португалиялик футболчи спортчига хос бўлмаган хатти-ҳаракатлари учун жазоланди.
Эпизод “Ал-Ҳилол” футболчиси Али Ал-Булайҳининг аут чизиғида тўпни тепиши билан бошланди. Шундан сўнг у дарҳол тўпни эгаллаб олишга уринди, бироқ Роналду воқеа жойига етиб келди ва тўпни қўлига олиб, тирсаги билан Булайҳини мувозанатдан чиқаришга уринди. Натижада ҳакам португалиялик футболчини ўйиндан четлатди.
Шундай қилиб, баҳс “Ал-Ҳилол”нинг 2:1 ҳисобидаги ғалабаси билан якунланди ва Неймар жамоадошлари Суперкубокнинг финалига йўл олди. Финалда “Ал-Ҳилол” Карим Бензема бошчилигидаги “Ал-Иттиҳод” билан куч синашади.
Live
Барчаси
