Прокуратура Жиззахда қулаб тушган бино бўйича муносабат билдирди

Жамият 33019
image

Аввалроқ Жиззахда янги қурилган кўп қаватли бино қулаб тушгани ҳақида хабар берган эдик. Ўзбекистон Республикаси Бош прокуратураси ҳодиса юзасидан расмий муносабат билдирди.

Унга кўра, воқеа жойига зудлик билан Жиззах вилояти прокурори, Ички ишлар бошқармаси бошлиғи, Фавқулодда вазиятлар бошқармаси ва бошқа мутасадди идоралар раҳбарлари ҳамда тезкор-тергов гуруҳи аъзолари етиб борган.

Бинонинг қулаш сабабларини аниқлаш борасида Жиззах вилояти прокуратураси томонидан терговга қадар текширув ҳаракатлари ўтказилмоқда. Бинонинг қулаши оқибатида жабрланган ва ҳалок бўлган фуқаролар аниқланмаган.

Эслатиб ўтамиз, аввалроқ ушбу воқеа юзасидан Фавқулодда вазиятлар вазирлиги ҳамда Қурилиш вазирлиги ҳам расмий баёнот берган эди.

Умиджон Нозимжонов
Мақолага баҳо беринг
Баҳолаганлар: 1850
Рейтинг: 3
t
×