Польшада америкалик аскарларни жойлаштириш учун база қурилди
Олам
−
17 Июль 4470
Польша жануби-ғарбидаги Қуйи Силезия воэводелигидаги Свентошув қишлоғида АҚШнинг вақтинчалик ҳарбий базаси пайдо бўлди. Бу ҳақда Польша армияси бригада генерали Дариуш Мендралага таяниб, PAP ахборот агентлиги хабар берди.
"База тезкор йиғиш ва таъминотни қабул қилиш, тактик йиғилиш ҳудудига ўтишдан олдин ҳарбий техникани ўрнатиш учун мўлжалланган", дейди генерал.
PAP хабарига кўра, базада АҚШ ва НАТОнинг 1000 нафаргача ҳарбий хизматчилари жойлашади.
Маълумот учун, май ойи ўрталарида Краков-Балица халқаро аэропорти яқинида АҚШ махсус кучларининг “Мирон Кампи” базаси очилди ва бу АҚШ махсус кучларининг Европадаги энг шарқий базасига айланди. Польшада жами 10 мингдан ортиқ АҚШ қўшинлари жойлашган.
Live
Барчаси
