Почеттино ҳозирги “Челси”нинг энг яхши футболчиси кимлигини айтди

Спорт

−

02 апрел 2024 visibility2971 timer1 дақиқа

“Челси” бош мураббийи Маурисио Почеттино Лондон жамоасининг энг яхши футболчиси кимлигини маълум қилди.

“Палмер “Челси”нинг энг яхши футболчиси. У ҳамма учун намуна. Кўриб турибсизки, жамоа қийналаётганда футболчилар кўпинча Палмерга тўпни узатади”, дейди Почеттино.

Палмер “Манчестер Сити” жамоаси тарбияланувчиси ҳисобланади. Ярим ҳимоячи ўтган йилги ёзги трансфер ойнасининг сўнгги кунида 47 миллион евро эвазига «Челси»га ўтди.

Бу мавсумда ярим ҳимоячи лондонликлар сафида барча турнирларда 38 та ўйин ўтказиб, 18 та гол урди ва 12 та голли узатмани амалга оширди. Футболчининг Лондон клуби билан шартномаси 2030 йилнинг июнь ойи охиригача амал қилади. “Transfermarkt” интернет порталига кўра, унинг нархи 55 миллион еврони ташкил қилади.

Мақола муаллифи