Пике қатнашган кечада футболчилар Шакиранинг қўшиғини буюртиришди
Спорт
−
01 Август 2023 7852
Мадриддаги тунги клублардан бирида Жерар Пикега ҳазил қилиб, унинг машҳур хонанда Шакира билан ажрашганини эслашди. Бу ҳақда “RMC Sport” хабар берди.
Манбага кўра, ўтган дам олиш куни Пике Мадриддаги клублардан бирида Испания медиа лигасининг иккинчи мавсуми якунланиши муносабати ташкил этилган кечада иштирок этган. “Барселона”нинг собиқ футболчиси нутқ сўзлаш учун микрофонни олганида, йиғилганларнинг баъзилари ўтган ёзда Пике билан ажрашган қўшиқчи Шакиранинг исмини айтишни бошлаган.
Зиёфатда ҳозир бўлган “Реал Мадрид”нинг собиқ дарвозабони Икер Касильяс Пике учун DJ'га Шакиранинг “Waka Waka” қўшиғига буюртма берган.
Таъкидлаш жоиз, Пике ва Шакира ўтган йилнинг ёзида ажрашганди. Йил бошида хонанда собиқ турмуш ўртоғига бағишланган янги композицияни тақдим этди. Қўшиқда асосан Пике ва унинг қиз дўсти Клара Чиа Марти масхара қилинган.
