Пaнчнинг севимли ўйинчоғига талаб кескин ошиб кетди (видео)

Япониянинг Ичикава шаҳридаги ҳайвонот боғида онасиз 7 ойлик Пaнч лақабли макака маймунининг видеолари ижмоий тармоқларда кенг тарқалгач, унга суррогат она сифатида берилган орангутан юмшоқ ўйинчоғи нусхалари дўконларда тезда сотиб тугатилди. Бу ҳақда “The Washington Post” нашри хабар берди.

Хабар қилинишича, видеолар ижмоий тармоқларда тарқалгач, IКEА дўконларида 20 АҚШ доллари қийматидаги орангутан юмшоқ ўйинчоғи сотиб тугатилган. Талаб кескин ошгани боис IКEА қисқа вақт ичида кўплаб ҳудудлардаги дўконларида ўйинчоқни сотиб тугатган. Мазкур ўйинчоқни IКEА’дан сотиб олган шахслар эса интернет дўконларда 90 АҚШ долларидан 350 АҚШ долларигача қайта сотиб, фойда кўрмоқда.

Маълумот учун, Панч лақабли макака 2025 йилда июль ойида туғилган. У дунёга келгач, онаси маймунчани ташлаб кетган. Унга ҳайвонот боғи ходимлари ғамхўрлик қилиб, суррогат она сифатида орангутан юмшоқ ўйинчоғини берган. Боғ ходимлари Панчни 19 январь куни бошқа маймунлар гуруҳига қўшган. Бироқ, улар маймунчани яқинига ҳам йўлатмаган. 

Панч гуруҳга қўшилгач, ҳайвонот боғига ташриф буйирувчилар эътиборини тортган. Унинг видеолари ижмоий тармоқларда кенг тарқалгач, жорий йил 13 февралгача Панч хештеги остида жойлаштирилган постлар сони 37 000 тага етган.  Онаси ташлаб кетган Панчнинг ҳанузгача юмшоқ ўйинчоқдан воз кечмаганлиги эса ташриф буюрувчиларни янада таъсирлантириб, ҳайвонот боғига келувчилар сонининг ошишига сабаб бўлган.

Эслатиб ўтамиз, аввалроқ Япония 1973 йилдан буён илк бор ўз ҳайвонот боғларидаги барча пандалардан айрилиши ҳақида хабар берилган эди.