Ҳафтани тарихга муҳрлаган 12 сурат

“Associated Press” ҳафтанинг энг муҳим ва қизиқарли воқеаларини акс эттирувчи суратларни эълон қилди.

Фаластинликлар Марказий Ғазо сектори, Дейр ал-Балаҳ шаҳрида Исроил ва ҲАМАС ўртасидаги сулҳ келишуви доирасида уч нафар исроиллик гаровга олинган шахсни Қизил Хочга топшириш арафасида ҲАМАС аскарларини кузатмоқда. 2025 йил 8 февраль.

Исроил қамоқхонасидан озод этилган Фаластинлик маҳбуслар Исроил ва ҲАМАС ўртасидаги сулҳ келишувига биноан Ғарбий соҳилдаги Рамаллоҳ шаҳрида кутиб олинди. 2025 йил 8 февраль.

2023 йил 7 октябрдан бери ҲАМАС томонидан Ғазода гаровда ушлаб турилган исроиллик Эли Шараби Марказий Ғазо сектори, Дейр ал-Балаҳ шаҳрида ҲАМАС аскарлари томонидан Қизил Хочга топширилишидан олдин. 2025 йил 8 февраль.

Ливанда АҚШнинг Яқин Шарқ тинчлик жараёни бўйича махсус вакили ўринбосари Морган Ортагус мамлакат Президенти билан учрашганидан кейин берган баёнотларига қарши намойиш вақтида “Ҳизбуллоҳ” тарафдорлари халқаро аэропортга олиб борувчи йўлни тўсиш учун шиналарни ёқмоқда. Байрут. Ливан. 2025 йил 7 февраль.

АҚШ Президенти Дональд Трамп Оқ уйда Илон Маск ва унинг ўғли X Æ A-Xii билан суҳбатлашмоқда. 2025 йил 11 февраль. Вашингтон.

Тинчлик ёдгорлиги (шунингдек, Денгиз ёдгорлиги ёки Фуқаролар уруши денгизчилари ёдгорлиги деб ҳам аталади) Вашингтонда қор бўронидан кейин Капитолий олдида қорга бурканган. 2025 йил 12 февраль.

АҚШ Президенти Дональд Трамп Оқ уйда Россиядан озод қилинган Марк Фогель билан кўришмоқда. 2025 йил 11 февраль. Вашингтон.

Россиянинг Санкт-Петербург шаҳрида Путиннинг ва АҚШ Президенти Дональд Трампнинг суратлари туширилган чашкалар сувенир дўконида сотувга қўйилган. 2025 йил 13 февраль.

Ишчи Мехико шаҳридаги пўлат идишлар ишлаб чиқарувчи фабрикада идишни тозаламоқда. 2025 йил 11 февраль.

М23 исёнчилари ва ҳукумат аскарлари ўртасидаги жанглар туфайли ўз уйини тарк этишга мажбур бўлган бола Конгонинг Гома шаҳридаги лагерда зарар етган дубулғани кийиб олган. 2025 йил 11 февраль.

Ҳиндистоннинг Уттар-Прадеш штатидаги Праяграж шаҳрида давом этаётган Маҳа Кумбҳ фестивали вақтида ибодат қилувчилар ва диний арбоблар истиқомат қиладиган чодирлар ёниб кетганидан кейин кўнгиллилар матрасларни асраб қолишга ҳаракат қилмоқда. 2025 йил 7 февраль.

Хитойнинг Харбин шаҳрида бўлиб ўтган 9-Осиё Қишки ўйинлари доирасида аёллар ўртасидаги тезкор конькида учиш жамоавий пойгаси финалида Қозоғистон жамоаси иштирокчисидан бири йиқилиб тушди. 2025 йил 11 февраль.