Озарбайжонда ҳам президент сайлови ўтказилиши эълон қилинди

Олам

−

07 Декабрь 2023 visibility4802

Озарбайжон Республикаси Президенти Илҳом Алиев навбатдан ташқари президентлик сайловини ўтказиш тўғрисидаги фармонни имзолади. Бу ҳақда Президент Матбуот хизмати хабар берди.

Фармонда билдирилишича, Озарбайжон Республикаси Марказий сайлов комиссияси Озарбайжон Республикасининг навбатдан ташқари Президент сайлови 2024 йил 7 февралга белгиланишини ва Озарбайжон Республикаси Сайлов кодексида белгиланган тартибда ўтказилишини таъминлаши белгиланган.

Эслатиб ўтамиз, Озарбайжон Президенти Илҳом Алиевнинг 2018 йил 5 февралдаги фармонига кўра, Озарбайжонда муддатидан олдин президентлик сайлови ўша йилнинг 11 апрел куни ўтказилди. Унда Илҳом Алиев сайловчиларнинг 86,02 фоиз овозини қўлга киритиб, Озарбайжон Республикаси Президенти этиб қайта сайланди. Конституцияга кўра, навбатдаги президентлик сайловлари 2025 йилда ўтказилиши керак эди.

Озарбайжон Конституциясининг 101-моддаси 1-бандига кўра, Озарбайжон Республикаси Президенти умумий, тенг ва тўғридан тўғри сайлов ҳуқуқи асосида эркин, шахсий ва яширин овоз бериш йўли билан 7 йил муддатга сайланади. Озарбайжон Республикаси Президенти навбатдан ташқари Озарбайжон Республикаси Президенти сайловини эълон қилиши мумкин.

62 яшар Илҳом Алиев 2003 йилдан буён 20 йил давомида президентлик курсисини эгаллаб келмоқда. У 2003, 2008, 2013 ва 2018 йилларда ўтказилган президент сайловларида ғалаба қозонгани айтилади. Унгача – 1993-2003 йилларда мамлакатни Илҳом Алиевнинг отаси Ҳайдар Алиев бошқарган.

Эслатиб ўтамиз, аввалроқ Россияда президентлик сайлови санаси белгиланганди.

Мақола муаллифи

Абдураҳмон Эргашев

Теглар

Озарбайжон сайлов

Баҳолаганлар

Рейтинг

Мақолага баҳо беринг

5 stars 4 stars 3 stars 2 stars 1 stars

Дўстларингиз билан улашинг

online_predictionLive

Барчасиcall_made

Мустақил Давлатлар Ҳамдўстлиги ташкилотидан чиқаётган Молдова парламенти Европа Иттифоқига қўшилиш бўйича референдумни 20 октябрь кунига белгилади.

18 Май

Cobalt 3 нафар 1-синф Ўқувчиларни уриб, қочиб кетди. Болалардан бири вафот этган

Ҳолат 17 май куни Сурхондарёда содир бўлган. Cobalt русумли автомашина ҳайдовчиси қизил чироқда ҳаракатланиб, 3 нафар 7 ёшли болани уриб, бирини устидан босиб ўтган ва воқеа жойидан қочиб кетган. Болалардан бири вафот этгани айтилмоқда.

18 Май

Самарқанд шаҳрида “Европа Иттифоқи – Марказий Осиё” биринчи расмий саммити бўлиб ўтади

Президент ёрдамчиси Саида Мирзиёева Ўзбекистон билан Европа Иттифоқи ўртасида дипломатик муносабатлар ўрнатилганининг 30 йиллигига бағишланган расмий тадбирда иштирок этди.

18 Май

“Умра” тадбирларини ташкил этиш ва ўтказиш бўйича янги литсензияланадиган фаолият тури жорий этилмоқда.

18 Май

АҚШ Давлат котибининг фуқаролик хавфсизлиги бўйича ўринбосари Ўзбекистонга келяпти

19-23 май кунлари Узра Зея Ўзбекистон ва Қозоғистонда бўлади. Сафардан кўзланган мақсад демократик бошқарув ва қонун устуворлигини таъминлаш, инсон ҳуқуқлари ва аҳолининг заиф қатламларини ҳимоя қилиш ҳамда диний эркинлик масалалар эканлиги қайд этилган.

18 Май

Фарғонада 367 млн. сўмлик 270 дона уяли алоқа воситаларининг ноқонуний айланмасига чек қўйилди

Ҳолат юзасидан терговга қадар текширув ҳаракатлари олиб борилмоқда.

18 Май

Сирдарёда руҳий носоғлом аёлни мазах қилган ходимлар билан меҳнат шартномаси бекор қилинди.

18 Май

Қашқадарё вилояти Деҳқонобод туманида сел-сув тошқинлари юзага келди.

18 Май