“Отаман 3” тақдимоти ўтказилди

Бугун, 8 октябрь куни Киевда "Қурол-яроғ ва хавфсизлик" XVI- Халқаро ихтисослашган кўргазмаси бошланди. Бу ҳақда Сегодня хабар бермоқда. 

Унда Миллий хавфсизлик ва мудофаа кенгаши, Ички ишлар вазирлиги, Мудофаа вазирлиги, Иқтисодий ривожланиш вазирлиги, Украина хавфсизлик хизмати, Украина давлат фавқулодда вазиятлар хизмати ва "Укроборонпром" ГК ҳарбий техника ва технологиялар соҳасидаги истиқболли ишланмаларни намойиш этяпти.

Кўргазма доирасида "Практика" компанияси томонидан Қуролли Кучлар ва Украина денгиз кучлари корпуси эҳтиёжлари учун ишлаб чиқарилган янги "Отаман 3" бронетехникасининг тақдимоти бўлиб ўтмоқда.

Зирҳли шахсий транспорт воситаси экипаж ва қўниш кучларини ҳимоя қилиш учун энг сўнгги талабларга мувофиқ ишлаб чиқилган. Баллистик ва миналардан юқори даражада ҳимояланган. "Отаман"га қўшимча ускуналарни ўрнатиш мумкин. Масалан, катта калибрли жанговар модул ёки керамика ҳимояси.

Янги БТР 6х6 ғилдирак тартибига эга ва унга 12 литрли дизел двигатели ўрнатилган. Бу 23 тонналик жанговар транспорт воситасини олиб юришни осонлаштиради.

Белгиланган мақсадларга қараб, "Отаман 3" турли хил қуролларни олиб юриши ва ўз-ўзидан юрадиган артиллерия қурилмалари, ўт ўчирувчи ёки миномёт техникалари учун асос бўлиши мумкин.

Бундан ташқари, қўмондонлик пункти ёки таъмирлаш ва тиклаш воситасига айланиши ҳам мумкин.