Осиё ўйинларида медаллар жамғариш рейтинги қандай?

Кеча, 22 сентябрь куни 2026 йилги Айти–Нагоя Осиё ўйинлари расмий 3 куни якунланди. Унга кўра, Хитой 32 та олтин, 13 та кумуш ва 8 та бронза медали билан умумий рейтингда биринчи ўринда бормоқда. 

Япония 11 та олтин, 16 та кумуш ва 19 та бронза медали билан иккинчи, Жанубий Корея эса 6 та олтин, 4 та кумуш ва 17 та бронза медали билан учинчи ўринни эгаллаган.

Қозоғистон 6 та олтин, 1 та кумуш ва 5 та бронза медали билан тўртинчи, Таиланд 4 та олтин, 1 та кумуш ва 1 та бронза билан бешинчи ўринда турибди. Гонконг 3 та олтин, 5 та кумуш ва 4 та бронза медали билан олтинчи, Тожикистон 2 та олтин, 1 та кумуш ва 1 та бронза билан еттинчи поғонадан жой олган.

Ўзбекистон делегацияси ҳисобида ҳозирча 1 та олтин, 4 та кумуш ва 1 та бронза, жами 6 та медаль бор. Миллий делегация ушбу натижа билан умумий медаллар жадвалида 9-ўринни эгаллаб турибди. Ҳиндистон 1 та олтин, 4 та кумуш ва 2 та бронза медали билан 8-ўринда, Хитой Тайпейи эса 1 та олтин, 3 та кумуш ва 5 та бронза медали билан 10-ўринда бормоқда.

Маълумот учун, Ўзбекистонлик спортчилар 2023 йили Ханчжоу шаҳрида ўтказилган сўнгги ёзги Осиё ўйинларида 22 та олтин, 18 та кумуш ва 31 та бронза – жами 71 та медаль билан умумжамоа ҳисобида Хитой, Япония, Жанубий Корея ва Ҳиндистондан кейин бешинчи ўринни эгаллаганди.