Осиё кубоги-2023: Ўзбекистон чорак финалга чиқди
Спорт
−
30 Январь 10364
Бугун, 30 январь куни футбол бўйича Осиё кубогининг 1/8 финалидан ўрин олган Ўзбекистон-Таиланд баҳси бўлиб ўтди. Учрашувда Сречко Катанец шогирдлари 2:1 ҳисобида ғалаба қозонди.
Ўйинда голларга “оқ бўрилар”дан Азиз Турғунбоев ва Аббосбек Файзуллаев муаллифлик қилди. Таиланд терма жамоасидан ягона жавоб тўпини 7-рақамдаги Супачок киритди.
Қайд этиш жоиз, Ўзбекистон Осиё кубогида Таиланд дарвозасини ишғол қилган биринчи жамоа бўлди. Таиландликлар гуруҳ босқичида ўз дарвозасидан гол қўйиб юбормаган.
Энди Ўзбекистон миллий терма жамоаси мусобақанинг чорак финалида мезбон Қатар билан куч синашади.
Маълумот учун, Ўзбекистон-Қатар ўйини 3 февраль куни, Тошкент вақти билан соат 20:30 да старт олади.
Live
Барчаси07 Ноябрь 2023
07 Ноябрь 2023
07 Ноябрь 2023
07 Ноябрь 2023
