“Oppenheimer” ҳам “Олтин Глобус” мукофотини олди

Киноэкранларда намойиш этилиши биланоқ дунё бўйлаб катта шуҳрат қозонган “Oppenheimer” фильми 2024 йилнинг датслабки ҳафтасида бўлиб ўтган “Олтин Глобус” тақдирлаш маросимида тақдирланди. Бу ҳақда мукофотнинг расмий саҳифасида хабар берилди.

Британиялик таниқли режиссёр Кристофер Ноланнинг ушбу фильми тадбирда "Энг яхши драматик фильм" номинациясини қўлга киритди. Бу фильмнинг суратга олинган (2023 йил)дан буён биринчи бор мукофотланиши ҳисобланади.

Шунингдек, “Oppenheimer” энг яхши режиссёр (Кристофер Нолан), драмадаги энг яхши актёр роли (Киллиан Мерфи) ва иккинчи даражали ролдаги энг яхши ижро (Роберт Дауни) номинацияларида ҳам қайд этилган.

Маълумот учун, “Oppenheimer” 2023 йил июль ойида АҚШда ишлаб чиқарилган. Унда Америка ядро қуролини яратишга раҳбарлик қилган америкалик физик Роберт Оппенгеймернинг ҳаёти ҳақида ҳикоя қилинади. Фильмнинг бутун дунё кинокассаларидаги даромади 950 миллион АҚШ долларидан ошади.

Эслатиб ўтамиз, аввалроқ Google компанияси эълон қилган қидирув тизимида йиллик энг кўп қидирилган сўзлар рўйхатида “Barbie” ва “Oppenheimer” фильмлари биринчи ўринни қайд этганди.