“Олтин тўп”га даъвогарларнинг янги рўйхати эълон қилинди

2022/2023 йилги мавсум якунлари бўйича “Олтин тўп”га даъвогарларнинг янгиланган рейтингини эълон қилинди. Бу ҳақда “Goal.com” хабар берди.

Манбага кўра, индивидуал мукофот учун асосий фаворит “Париж Сен-Жермен” ва Аргентина терма жамоаси ҳужумчиси Лионель Месси бўлиб қолмоқда. “Манчестер Сити” ҳужумчиси Эрлинг Холанд ҳамон 2-ўринда. Кучли учликни яна бир ПСЖ аъзоси Килиан Мбаппе якунлаб турибди.

Асосий ўзгаришлар рейтингнинг иккинчи ўнлигида содир бўлди. Масалан, рўйхатга Лаутаро Мартинес (“Интер”), Рафаэль Леао (“Милан”) ва Родриго (“Реал”) киритилди, улар илгари кучли йигирматаликда йўқ эди.

“Олтин тўп”га даъвогарлар рўйхати:

1. Лионель Месси (ПСЖ, аввалги ўрнида қолган)

2. Эрлинг Холанд (“Манчестер Сити”, аввалги ўрнида қолган);

3. Килиан Мбаппе (ПСЖ, аввалги ўрнида қолган)

4. Винисиус Жуниор (“Реал”, аввалги ўрнида қолган);

5. Карим Бензема (“Реал”, аввалги ўрнида қолган)

6. Виктор Осимҳен (“Наполи”, аввалги ўрнида қолган);

7. Кевин де Брюйне (“Манчестер Сити”, аввал 8-ўринда эди);

8. Хвича Кварацхелия (“Наполи”, аввал 7-ўринда эди);

9. Роберт Левандовски (“Барселона”, аввал 10-ўринда эди);

10. Маркус Решфорд (“Манчестер Юнайтед”, аввал 9-ўринда эди)

11. Родриго (“Реал”, рейтингда янги);

12. Хулиан Алварес (“Манчестер Сити”, аввал 15-ўринда эди);

13. Букаё Сака (“Арсенал”, аввалги ўрнида қолган)

14. Бруно Фернандес («Манчестер Юнайтед», аввал 12-ўринда эди);

15. Рафаэл Леау (Милан, рейтингда янги);

16. Николо Барелла (“Интер”, аввал 14-ўринда эди);

17. Каземиро (“Манчестер Юнайтед”, аввал 11-ўринда эди);

18. Мартин Эдегор (“Арсенал”, аввал 19-ўринда эди);

19. Майк Мениан (“Милан”, аввал 18-ўринда эди);

20. Лаутаро Мартинес (“Интер”, рейтингда янги).