ОФК Осиё кубогига қачон қуръа ташлашини эълон қилди
Спорт
−
04 Март 2023 6258
2024 йилнинг 12 январидан 10 февралига қадар Қатарда футбол бўйича Осиё кубоги баҳслари бўлиб ўтади. Турнирда 24 та жамоа қитъа чемпионлиги учун кураш олиб боради.
Осиё футбол конфедерацияси мусобақага 11 май куни қуръа ташлашини маълум қилди. Маросим Қатар пойтахти Доҳадаги Қатар опера театрида бўлиб ўтади. Анъанага кўра қуръа ташлаш маросимига бош мураббийлар ва жамоа раҳбарлари, шунингдек, миллий футбол федерациялари президентлари таклиф этилади.
Маълумот учун, Ўзбекистон терма жамоаси сўнгги Осиё чемпионатининг 1/8 финалида Австралия билан куч синашиб, пеналтилар сериясида имкониятни бой берганди. Терма жамоа қитъа биринчлигидаги энг яхши натижасини 2011 йилда айнан Қатарда ўтказилган Осиё кубогида қайд этган. Ўшанда Ўзбекистон вакиллари турнирни 4-ўрин билан якунлаганди.
Live
БарчасиБухорода Ғиждувон деҳқон бозори ёнмоқда.
14 Декабрь
