Норов дунёдаги урушларга нисбатан Ўзбекистоннинг позициясини очиқлади

Можаролар ва қарама-қаршиликлар фақат ҳалокатли оқибатларга ва ғолиблар бўлмайдиган вазиятларга олиб келади. Бу ҳақда Ўзбекистон Республикаси Ташқи ишлар вазири Владимир Норов "Янги Ўзбекистон – ўзгарувчан ва ўзаро боғлиқ дунёда ишончли ҳамкор" мавзусидаги давра суҳбатидаги нутқида айтиб ўтди.

Ўзбекистон Ташқи сиёсат идораси раҳбарининг қайд этишича, бугунги кунда прагматик ва конструктив дипломатия ғоят муҳим аҳамиятга эгалигини ҳаётнинг ўзи кўрсатмоқда.  

“Ўзбекистон можаролар ва қарама-қаршиликлар фақат ҳалокатли оқибатларга ва ғолиблар бўлмайдиган вазиятларга олиб келади,  деган фикрга қатъий амал қилади.  Оқилона муросага асосланган дипломатиягина барча томонларнинг манфаатларига тенг ва зиддияциз жавоб беради”, дейди Норов.

Норов Президент Шавкат Мирзиёевнинг самарали халқаро ҳамкорлик дунёда барқарор, ишончли ва фаровон тараққиётнинг энг муҳим омили экани ҳақидаги гапларига мурожаат қилиб айтишича, бу давр муаммоларини ҳал қилиш, фавқулодда инқирозли вазиятларни ҳал қилишнинг энг аниқ, мақбул ва самарали йўлидир.