Неймар Пелени ортда қолдирди
Спорт
−
09 Сентябрь 2023 4501
Бразилия терма жамоаси ЖЧ-2026 саралаш турнирининг 1-тури доирасидаги учрашувда Боливия терма жамоасини қабул қилди. Учрашувда мезбонлар 5:1 ҳисобида ғалаба қозонди. Неймар ўйиннинг 61 ва 90+3 дақиқасида гол урди. Шунинг билан футболчининг терма жамоадаги голлари сони 79 тага етди.
Эндиликда бразилиялик ҳужумчи ўз мамлакати тўпурарлари рўйхатида футбол афсонаси Пеледан ўзиб кетди. Пеле ҳисобида 77 та гол бор эди.
Шунингдек, Бразилия – Боливия учрашуви давомида Родриго дубль қайд этди.
Эслатиб ўтамиз, Неймар шу ёзда ПСЖни тарк этиб, “Ал-Ҳилол”га ўтганди. У Саудия клуби билан 2 йиллик шартномага эга. 2 йил давомида бразилиялик футболчи янги клубида тижорий шартномалардан ташқари 200 миллион еврога яқин маблағ ишлаб олади.
