Nexia-3 билан тўқнашган Damas пиёдани ҳам уриб юборди
3-саҳифа
−
26 Апрель 2023 5260
Жорий йилнинг 24 апрель куни Андижонда Nexia-3 билан тўқнашган Damas пиёдани уриб юборди. Бу ҳақда Андижон вилояти ИИБ ЙҲХБ Матбуот хизмати хабар берди.
Унга кўра, 2023 йил 24 апрель куни соат 07:30 ларда Асака туманида яшовчи 1991 йилда туғилган Д.И. ўзининг Damas'ида туманнинг "Кужган" МФЙ ҳудудида чап томондан ҳаракатланиб келаётган Асака туманида яшовчи 2002 йилда туғилган Ж.Ш. бошқарувида бўлган Nexia-3 билан тўқнашиб кетган.
"Тўқнашув оқибатида Damas йўл четида турган Асака туманида яшовчи 1976 йилда туғилган Қ.Е.га бориб урилган. Пиёдага ҳеч қандай тан жароҳати етмаган. Шунингдек, Damas'да бўлган Асака туманида яшовчи 1975 йилда туғилган М.С. ҳам тан жароҳати олмаган", дейилади хабарда.
Тўқнашув сабабли Damas ва Nexia-3 русумли автомашиналари моддий зарарланган. Мазкур ҳолат юзасидан ҳозирда қўшимча суриштирув ишлари олиб борилмоқда.
Нурмуҳаммад Файзуллаев
