Навоийда маст велосипед ҳайдовчиси ЙТҲ қурбони бўлди
3-саҳифа
−
20 Ноябрь 2020 3048
Навоий вилояти Хатирчи туманида Nexia ҳайдовчиси велосипеддаги фуқарони уриб юбориб, йўл-транспорт ҳодисаси содир этди. Бу ҳақда “Bu kun” информацион дастурида хабар қилинди.
Маълум бўлишича, бу ҳодиса Янгиобод-Зарафшон йўналишида, йўлнинг ёритилмаган қисмида содир бўлган. 47 ёшли велосипед бошқарувчиси спиртли ичимлик истеъмол қилган ҳолда йўлнинг белгиланмган қисмидан кесиб ўтишга ҳаракат қилган. Кўрсатилган тиббий ёрдамга қарамасдан велосипеддаги фуқаро вафот этган.
“Бу ҳудудда велосипед ҳайдовчилари доимий равишда йўлнинг белгиланмаган қисмидан ўтиши натижасида доимий тушунтириш ишлари олиб борилади. Бундай ҳолатлар бўйича яқин орада 10 дан ортиқ қоидабузарликлар аниқланган”, дейди Хатирчи тумани ИИБ ЙҲХБ катта инспектори Ихтиёр Ҳасанов.
Ҳозирда Хатирчи тумани ИИБ ҳузуридаги тергов бўлими томонидан дастлабки тергов ҳаркатлари олиб борилмоқда.
Динара Юсупова
