Навальнийнинг суди вақтида 300 дан ортиқ одам ҳибсга олинди (фото)

Россия пойтахти Москвада Россия мухолифати етакчиси Алексей Навальний устидан суд жараёни бўлиб ўтмоқда. Суд муҳокамаси пайтида суддан ташқарида 300 дан ортиқ одам ҳибсга олинган.

Маълумотларга кўра, Москва шаҳар судида ҳибсга олишлар давом этмоқда. Москва вақти билан соат 17: 24 да полиция 311 кишини ҳибсга олган. Уларнинг 307 нафари Москвада, яна тўрт киши Ижевскда ҳибсга олинган.

РБК мухбирининг сўзларига кўра, тушдан кейин маҳбуслар бўлган бир нечта транспорт воситалари суд ҳудудидан чиқиб кетган.

Ҳибсга олинганларнинг аксарияти Москва шаҳар судига энг яқин бўлган “Преображенская” метро станцияси яқинида бўлган. Шунингдек, хавфсизлик кучлари “Китай-Город” метро станцияси ҳудудида кордон ўрнатишни бошлаган. Улар темир тўсиқларни олиб келиб, яқин атрофдаги кўчаларга қўйган.

Аввалроқ Москвада Россия мухолифати етакчиси Алексей Навальний устидан суд жараёни бўлиб ўтаётгани хабар қилинганди.

Москва шаҳар суди прокурори Федерал жазони ижро этиш хизмати (ФЖИЭХ)нинг Алексей Навалнийни шартли ҳукм талабларини бузгани учун шартли қамоқ жазосини ҳақиқий 3,5 йилга алмаштириш бўйича таклифини қўллаб-қувватлади.