НАТОнинг фавқулодда саммити келаси ҳафта ўтказилиши мумкин

Олам

image

Украинадаги можаро туфайли НАТОнинг фавқулодда саммити келаси ҳафта бўлиб ўтиши мумкин. Бу ҳақда 11 октябрь куни Польша Президенти Анжей Дуда Братиславада бўлиб ўтган Вишеград гуруҳи (Венгрия, Польша, Словакия, Чехия) йиғилиши якунлари бўйича матбуот анжуманида маълум қилди. 

Дуданинг айтишича, у 10 октябрь куни Украина Президенти Владимир Зеленский билан гаплашганидан кейин НАТО Бош котиби Йенс Столтенбергга қўнғироқ қилган.  

“Мен Бош котиб Столтенбергга Президент Зеленскийнинг НАТОнинг фавқулодда саммитини давлат ва ҳукумат раҳбарлари даражасида чақириш ҳақидаги илтимосини етказдим”, деди Дуда нутқи Польша телевидениеси берган интервьюсида. 

Дудага, НАТО Бош котиби Столтенберг ҳозирда бундай қадамни ўта жиддий ўйлаб кўраётганини, бундай йиғилишни чақиришини айтган.  

“Бу учрашув келаси ҳафта бўлиб ўтиши эҳтимоли юқори”, дейди Дуда. 

11 октябрь куни НАТО Бош котиби альянс мамлакатлари Мудофаа вазирларининг Брюсселда 12-13 октябрь кунлари бўлиб ўтадиган йиғилиши арафасида ўтказилган матбуот анжуманида ҳозирда альянс Украинадаги можаро туфайли фавқулодда саммит ўтказиш заруриятини баҳолаётганини айтди.  

Шунингдек, “Reuters” агентлиги ўз манбаларига таяниб, НАТО Россиянинг янги ҳудудларга қўшилишига жавоб сифатида виртуал саммит ўтказиш имкониятини кўриб чиқаётгани ҳақида хабар берди. Унинг сўзларига кўра, йиғилишда Россиядаги қисман сафарбарлик ва Москвадан келаётган тахминий ядровий таҳдидлар масалалари кўриб чиқилади. Видеоконференция санаси ҳали белгиланмаган. 


Мақола муаллифи

Теглар

НАТО

Баҳолаганлар

50

Рейтинг

2.8

Мақолага баҳо беринг

Дўстларингиз билан улашинг