НАТО тез орада Украинага дронга қарши восита етказиб беради

north_east

Эрон Россияга қўшимча дронлар етказиб беришни ваъда қилди – ОАВ

НАТО тез орада Украинага учувчисиз учиш аппаратлари билан курашиш учун ускуналар етказиб беради. Бу ҳақда НАТО Бош котиби Йенс Столтенберг маълум қилди.

“Яқин кунларда НАТО учувчисиз ҳаво аппаратларининг, жумладан Эроннинг таҳдидига қарши туриш учун учувчисиз ҳаво воситаларига қарши тизимларни топширади”, дейди Столтенберг Берлин ташқи сиёсат форумида.

Унинг сўзларига кўра, гап юзлаб фаол интерференцион стансиялар ҳақида бормоқда.

Блок раҳбари Украинани нафақат аввал ваъда қилинган ҳаво ҳужумидан мудофаа тизимлари билан таъминлаш, балки Киевга шу турдаги техника етказиб бериш ҳажмини ошириш зарурлигини таъкидлади.

Эслатиб ўтамиз, 17 октябрь куни Украина ҳудуди бўйлаб Киевга уюштирилган дронлар ҳужумлари ҳамда Днепр ва Суми вилоятларига ракета зарбаларидан сўнг ҳаво огоҳлантириши эълон қилинди. Украина пойтахтида ҳаво ҳужуми 3 соат 8 дақиқа давом этди, янги зарбалар соат 9:31 да берилди. Эрта тонгда сигнал қабул қилингани сабабли, душанба куни Киевдаги барча таълим муассасалари масофавий иш режимига ўтказилди.

Украина ва АҚШга кўра, ушбу дронлар Эроннинг камикадзе дронлари бўлиб, Теҳрон БМТ санкцияларини бузиб, Россияга портловчи, учувчисиз самолётлар етказиб бермоқда.