Намангандаги цехда юз берган портлаш оқибатида 2 киши ҳалок бўлди
3-саҳифа
−
16 Февраль 2023 4923
Кеча, 15 февраль куни Наманган туманида жойлашган чўян қуйиш цехидаги парогенератор (автоклав)да пар босими ортиб кетиши туфайли портлаш содир бўлди. Бу ҳақда Ўзбекистон Республикаси Бош прокурорининг матбуот котиби Ҳаёт Шамсутдинов хабар берди.
Портлаш оқибатда ушбу цехда ишлаётган 1 нафар ишчи тан жароҳати олган, 2 нафари ҳодиса жойида вафот этган.
Мазкур ҳолат юзасидан Жиноят кодексининг 257-моддаси 2-қисми “а” банди (меҳнатни муҳофаза қилиш қоидаларини бузиш) билан жиноят иши қўзғатилган.
“Наманган туман Ички ишлар бошқармаси ҳузуридаги тергов бўлинмаси томонидан тергов ҳаракатлари олиб борилмоқда”, дейилади хабарда.
Эслатиб ўтамиз, жорий йилнинг 5 январида Тошкент шаҳри Бектемир туманидаги корхона цехида ёнғин содир бўлган эди.
Live
Барчаси