Намангандаги сув омбори тўғони остидан сув сизиб чиққани аниқланди

Жамият 11654
image
-

Ижтимоий тармоқларда “Ертикон” сув омбор ташқи тўғони остидан сув сизиб чиқаётгани ҳақида хабарлар тарқалди. Ушбу ҳолат юзасидан вилоят Фавқулодда вазиятлар бошқармаси муносабат билдирди. 

Қайд этилишича, бугун, 14 июнь куни соат 10:35 да Наманган вилояти Фавқулодда вазиятлар бошқармаси тезкор-навбатчисидан олинган оғзаки маълумотга кўра, Косонсой тумани Қуқунбой қишлоғида жойлашган “Ертикон” сув омборидан сув сизиб чиқиши (фильтрация) кузатилган. 

Юқоридаги ҳолатни бартараф этиш мақсадида, сув омбори Наманган вилояти Фавқулодда вазиятлар бошқармаси ҳамда тегишли ташкилот масъул ходимлари билан биргаликда ўрганиб чиқилган. 

“Ертикон” сув омборининг 2 та ерли жойларидан (5 ва 10 литр секундига) сув сизиб чиқиши кеча, 13 июнь куни 19:00 лардан бошлангани, дамба (темир бетон)нинг ўзи мустаҳкамлиги, аҳолига ва тўғонга хавф йўқлиги аниқланган. 

Сув сизиб чиқишини бартараф этиш мақсадида “Косонсой” сув омборидан сувни чиқариш тўхтатилган ҳамда “Ертикон” сув омборидан “Калбува” ва “Муса ариқ” каналларига (авариявий ташлама) сув чиқариш 4 метр секундгача оширилган. Омбордан шу ҳажмда сув чиқариш 2 сутка мобайнида давом эттирилиши эвазига сизиб чиқаётган сув (фильтрация) жойлари бартараф этилган.

Ҳозирда ушбу сув омборида вазиятни кузатиб бориш ва ишларни назорат қилиш мақсадида, тегишли мутахассисларидан иборат туну-кун кузатув пости ташкил этилган.

Диёра Абдураҳмoнова
Мақолага баҳо беринг
Баҳолаганлар: 562
Рейтинг: 3
t
×