Наманганда уй портлаши оқибатида жароҳатланганлардан 1 нафари вафот этди
3-саҳифа
−
07 Февраль 2023 4693
Аввал хабар берганимиздек, бугун, 7 февраль куни Наманган вилояти Косонсой тумани “Нуробод” маҳалласида портлаш оқибатида 5 нафар фуқаро жароҳатланиб, туман тиббиёт бирлашмасига ётқизилган эди. Уларнинг 1 нафари шифохонада вафот этган. Бу ҳақда Республика Бош прокурори матбуот котиби Ҳаёт Шамсутдинов маълум қилди.
“Кўрсатилган тез тиббий муолажаларга қарамасдан 1 нафари шифохонада вафот этган”, дейилади хабарда.
Мазкур ҳолат юзасидан Косонсой туман прокуратураси томонидан Жиноят кодексининг 258-моддаси 2-қисми “а” банди (Тоғ-кон, қурилиш ёки портлатиш ишлари хавфсизлиги қоидаларини бузиш) билан жиноят иши қўзғатилди.
Ҳозирда тергов ҳаракатлари олиб борилаётгани айтилмоқда.
Live
Барчаси