МЮ еврокубокларда ўзига хос натижа қайд этди

Спорт

−

18 апрел 2025 visibility3690 timer1 дақиқа

“Манчестер Юнайтед” еврокубокларнинг 120-дақиқасида иккита гол урган тарихдаги биринчи жамоа бўлди. Бу ҳақда “OptaJoe” хабар берди.

Европа лигаси чорак финалининг жавоб учрашувида “Манчестер Юнайтед” “Лион”ни 5:4 ҳисобида мағлуб этди. Инглиз клуби 120-дақиқада иккита гол урди. Кобби Майну ва Гарри Магуайрнинг голлари жамоага ғалаба келтирди.

Биринчи учрашув 2:2 ҳисобида якунланганди. Шу тариқа, иккита ўйин натижасига кўра, “Манчестер Юнайтед” турнирнинг ярим финалига йўл олди ва энди “қизил иблислар” финал олдидан Испаниянинг “Атлетик” клуби билан тўқнашади.

2025 йилги Европа лигаси финали Испаниядаги “Атлетик” клубининг уй стадиони “Сан-Мамес”да бўлиб ўтади. Турнирнинг амалдаги ғолиби Италиянинг “Аталанта” клуби ҳисобланади.

Мақола муаллифи