Москвада яна икки полициячи портлатилди

Бугун, 24 декабрь куни Москвада йўл ҳаракати полицияси машинаси портлади, оқибатда уч киши, жумладан, икки полиция ходими ҳалок бўлди. Портлаш икки кун олдин армия генерали ўлдирилган жойдан 300 метр узоқликда содир бўлган. Бу ҳақда “Meduza” хабар берди.

Маълум қилинишича, Москвада генерал-лейтенант Фанил Сарваров ўлдирилган жойдан унчалик узоқ бўлмаган жойда йўл полицияси машинаси портлади. Икки йўл полицияси ходими полиция машинаси ёнида шубҳали шахсни кўрган. Уни ҳибсга олиш учун яқинлашганларида портловчи мослама портлатилган. Икки полиция ходими, шунингдек, ходимлар ёнида турган бир киши ҳалок бўлган.

Ходимлар генерал Сарваровнинг машинаси портлаган жойдан атиги 300 метр узоқликда, Орехово-Борисово туманидаги Елецкая кўчасидаги полиция бўлими яқинида ҳалок бўлган. Россия ҳуқуқни муҳофаза қилиш органларига яқин бўлган “Baza” ва “Mash” Telegram-каналлари учинчи шахс йўл полицияси ходимлари уни ҳибсга олишга уринганида портловчи мосламани портлатган террорчи бўлиши мумкинлигини даъво қилмоқда.

Хавфсизлик кучларига яқин бўлган бир манба бомбани портлатган одам фирибгарларнинг кўрсатмалари бўйича ҳаракат қилганини хабар қилмоқда. Ҳужумчилар унинг ижтимоий тармоқдаги аккаунтини бузиб кирганини даъво қилишмоқда. Буюртмачилар уни полиция машинаси остига портловчи мослама қўйишга кўндиришгани тахмин қилинмоқда.

Эслатиб ўтамиз, аввалроқ россиялик генерал машинасида портлатиб юборилгани ҳақида хабар берилганди.