Мирзиёев Қирғизистондаги Путин келиши кутилаётган тадбирга бормайдиган бўлди
Local
−
08 December 2022 23723 1 minute
Ўзбекистон Республикаси Президенти Шавкат Мирзиёевнинг эртага, 9 декабрь куни Қирғизистонга амалга ошириши кутилаётган ташрифи бекор қилинди. Ташриф кейинроқ бўлиб ўтади. Бу ҳақда Қирғиз Республикаси Ташқи ишлар вазири ўринбосари Айбек Молдоғозиев маълум қилган.
Унинг урғулашича, Ўзбекистон Президенти Шавкат Мирзиёев Қирғизистонга Евроосиё иқтисодий иттифоқи давлат раҳбарлари саммитига келмайди.
Унинг эслатишича, Ўзбекистон ЕОИИда кузатувчи мақомига эга ва саммитда қатнашиш учун Бишкекка Бош вазир Абдулла Арипов боради.
“Ўзбекистон Президентининг давлат ташрифига келсак, у алоҳида бўлиб ўтади”, дейди Айбек Молдоғозийев.
Эслатиб ўтамиз, аввалроқ Шавкат Мирзиёев Қирғизистон Республикасига 9 декабрь куни жўнаб кетиши хабар қилинган эди.
9 декабрь куни Президент Садир Жапаров раислигида Олий Евроосиё иқтисодий кенгашининг йиғилиши бўлиб ўтади.
Live
AllSariosiyoda terroristik guruh ushlandi
08 August