Messi JCH “Oltin to‘p”ini qo‘lga kiritadi – OAV

Kecha, 18 iyul kuni FIFA texnik qo‘mitasi Jahon chempionati finalidan keyin topshiriladigan individual mukofotlar masalasini muhokama qildi va turnirning “Oltin to‘p” sovrinini Lionel Messiga berish bo‘yicha qaror qabul qildi. Bu haqda “The Touchline” nashri xabar berdi.

Ma’lum qilinishicha, qo‘mita qaroriga ko‘ra, Argentina terma jamoasi sardori Lionel Messi final uchrashuvi natijasidan qat’i nazar turnirning eng yaxshi futbolchisiga beriladigan “Oltin to‘p” sovriniga munosib deb topilgan.

Messi joriy Jahon chempionatida 8 ta gol va 4 ta golli uzatma amalga oshirib, turnirning ikkinchi eng sermahsul futbolchisi bo‘lib turibdi. Bu borada yetakchilik Fransiya terma jamoasi hujumchisi Kilian Mbappega tegishli bo‘lib, uning hisobida 10 ta gol va 4 ta assist mavjud.

Ma’lumot uchun, Jahon chempionati final bahsi bugun, 19 iyul kuni Toshkent vaqti bilan soat 23:55 da bo‘lib o‘tadi. Unda Ispaniya va Argentina terma jamoalari o‘zaro kuch sinashadi.

Eslatib o‘tamiz, uchinchi o‘rin uchun kechgan bahsda Angliya Fransiyani 6:4 hisobida mag‘lub etib, bronza medallarini qo‘lga kiritgan edi.