Месси голли сериясини давом эттирди
Спорт
−
16 Август 2023 2758
“Филадельфия Юнион” ва “Интер Майами” жамоалари тўқнаш келган МЛС + МХ Лига кубогининг ярим финал учрашуви якунланди. Жамоалар Честер шаҳридаги “Субару Парк” стадионида баҳс олиб борди. Учрашувда “Интер Майами” рақибини 4:1 ҳисобида мағлуб этди.
Учрашувнинг 20-дақиқасида ҳужумчи Лионель Месси гол урди. Аргентиналик футболчи Америка жамоаси сафида ўзининг 9-голини киритди. Шу тариқа, Месси “Интер Майми” тарихидаги энг яхши тўпурарлар рўйхатида Роберт Тейлорни ортда қолдириб, 3-ўринни ўзиники қилиб олди.
Шунингдек, Месси янги клуби сафидаги голли сериясини олтитага етказди.
Ҳужумчи Гонсало Игуаин 70 ўйинда 29 гол уриб ҳозирда Флорида клуби тарихидаги энг яхши тўпурар бўлиб турибди. Ҳужумчи Леонардо Кампана эса 52 ўйинда 16 та гол урган.
