Месси фаолиятини давом эттиришга қарор қилди 

“Интер Майами” жамоасининг аргентиналик ҳужумчиси Лионель Месси отасининг вафотидан сўнг клубдаги фаолиятини давом эттиришга қарор қилди. Бу ҳақда “Todo Noticias” портали хабар берди.

Месси бугун, 12 август куни “Интер Майами” билан машғулотларни босқичма-босқич давом эттириш учун АҚШга қайтиши режалаштирилган. Бироқ ҳужумчининг қачон майдонга қайтиши ҳозирча аниқ эмас.

Жорий йилнинг 8 август куни Лионель Мессининг отаси Хорхе Месси узоқ давом этган касалликдан сўнг 68 ёшида Росариодаги шифохонада вафот этганди. 

Эслатиб ўтамиз, аввалроқ “Doble Amarilla” нашри Месси “Интер Майами”даги футболчилик фаолиятини номаълум муддатга тўхтатишга қарор қилгани ҳақида берганди.

Футболчи жорий йилнинг 9 август куни бўлиб ўтган Мексиканинг “Монтеррей” жамоасига қарши (1:2) ўйинни Аргентинада отаси билан видолашув маросимида қатнашгани сабабли ўтказиб юборди.

Маълумот учун, 39 ёшли Месси 2023 йилдан бери “Интер Майами” сафида ўйнаб келмоқда. Европада аргентиналик футболчи Франциянинг “Пари Сен-Жермен” ва Испаниянинг “Барселона” жамоаларида тўп тепган.