Месси билан ўйнашни хоҳлайман – Аббосбек Файзуллаев

ЦСКА ярим ҳимоячиси Аббосбек Файзуллаев “Матч ТВ” телеканалига берган интервьюсида жаҳон чемпиони Лионель Месси билан бирга ўйнашни орзу қилишини айтди.

Дам олиш куни Файзуллаев ва армиячилар дарвозабони Владимир Шайхутдинов Москвада бўлиб ўтган ВТБ Бирлашган Баскетбол Лигаси нимчорак финали доирасидаги ЦСКА ва “Зенит” (73:91) ўртасидаги ўйинга борди. Ўйинда “Вашингтон Капиталс” билан Стенли кубоги ғолиби бўлган хоккейчи Александр Овечкин ҳам иштирок этди.

Ўша ерда Файзуллаевга "Александр Овечкинни кўрганмисиз, унинг кимлигини биласизми? Овечкиннинг орзуси Майкл Жордан билан суратга тушиш, сизникичи?" деган саволлар берилди. 

“Ҳа, Овечкин афсонавий хоккейчи, мен уни танийман. Мен Месси билан бирга ўйнашни хоҳлардим”, дейди Файзуллаев.

Маълумот учун, Месси 36 ёшда ва фаолиятининг асосий қисмини “Барселона”да ўтказган. Аргентиналик футболчи 10 марта Испания чемпиони, 4 марта Европа Чемпионлар лигаси, 3 марта UEFA Суперкубоги ва 3 марта клублар ўртасидаги Жаҳон чемпионатида ғолиб чиққан. У, шунингдек, ПСЖ шарафини ҳимоя қилди ва ўтган ёзда ҳужумчи “Интер Майами”га ўтди. Месси дунёнинг энг яхши футболчисига бериладиган “Олтин тўп”нинг саккиз карра ғолиби ҳисобланади.