Мексикада самолёт қулади. Қурбонлар бор
Олам
−
10:17 2538 1 дақиқа
Мексикада фавқулодда қўнишга уринаётган кичик хусусий самолёт қулаши оқибатида камида етти киши ҳалок бўлди. Бу ҳақда “The Telegraph” хабар берди.
Қайд этилишича, самолёт Мексиканинг Тинч океани соҳилида жойлашган Акапулкодан парвоз қилиб, Мехико шаҳридан тахминан 50 километр ғарбда жойлашган саноат ҳудуди — Сан-Матео-Атенкода қулаган.
У футбол майдонига қўнишга ҳаракат қилган, бироқ яқин атрофдаги корхонанинг металл томига урилиб, йирик ёнғин келиб чиқишига сабаб бўлган.
Штат Фуқаро муҳофазаси координатори Адриан Эрнандеснинг айтишича, бортда саккиз нафар йўловчи ва икки нафар экипаж аъзоси бўлган. Ҳалокатдан бир неча соат ўтиб, ҳозирча етти нафар жасад топилган.
Ёнғин туфайли атрофдаги ҳудуддан 130 га яқин киши эвакуация қилинган. Ҳалокат сабаблари ҳозирда ўрганилмоқда.
Эслатиб ўтамиз, аввалроқ Россиянинг Иваново вилоятида An-22 самолёти қулаган эди.
Live
Барчаси
