Медведев Зеленскийни ўлдириш билан таҳдид қилди

Россия Федерацияси Хавфсизлик кенгаши раиси ўринбосари Дмитрий Медведев Кремлга номаълум дронларнинг ҳужуми фонида Украина Президенти Владимир Зеленскийни ўлдиришга чақирди. Бу ҳақда у кеча, 3 май куни ўзининг Telegram каналида ёзди.

“Бугунги терактдан кейин Зеленский ва унинг кабинасини жисмонан йўқ қилишдан бошқа чора қолмади. У ҳатто сўзсиз таслим бўлиш тўғрисидаги актни имзолашда ҳам керак эмас. Гитлер ҳам уни имзоламаган. Ҳар доим ўринбосар топилади”, деган Медведев.

Эслатиб ўтамиз, кеча, 3 майга ўтар кечаси Россия Президентининг қароргоҳига дронлар билан зарба беришга уриниш бўлганди. Иккита дрон Кремлни нишонга олишга қаратилгани, ҳарбийлар ва махсус хизматларнинг ўз вақтида кўрган ҳаракатлари натижасида қурилмалар зарарсизлантирилган таъкидланди. Ҳужум оқибатида Путин жабрланмаганини маълум қилинди. Россия бу ҳаракатда Украинани айблади. Зеленскийнинг матбуот котиби Украинанинг Кремлдаги ҳужумга алоқадорлиги ҳақидаги айбловларни рад этди. Президент Зеленский Украина ўз ҳудудида жанг олиб бораётгани ва ўз ҳудудини Россиядан ҳимоя қилаётганини айтди.