Мбаппе “Реал” футболчиси сифатида таништирилди
Спорт
−
16 Июль
4760Бугун, 16 июль куни франциялик ҳужумчи Килиан Мбаппе “Реал Мадрид” футболчиси сифатида таништирилди. Бу ҳақда клуб матбуот хизмати хабар берди.
Килиан Мбаппенинг “Реал”даги расмий тақдимоти жамоа уй стадиони “Сантьяго Бернабеу” стадионида бўлиб ўтди. 25 ёшли футболчи қаймоқранглилар сафида 9-рақам остида тўп тепади.
Ҳужумчининг клубдаги маоши йилига 30 миллион еврони ташкил этади. Футболчи голлари сони ва кўрсатган сермаҳсуллигига қараб қўшимча бонуслар олади. Унинг “Реал” билан шартномаси 2029 йилнинг ёзига қадар мўлжалланган.
Маълумот учун, ўтган мавсумда 25 ёшли ҳужумчи барча турнирларда 48 та ўйин ўтказиб, 44 та гол урди ва 10 та голли узатмани амалга оширди.