Мбаппе келса “Реал”нинг бразилиялик футболчиси жамоадан кетиши мумкин

Франциялик ҳужумчи Килиан Мбаппе ПСЖга ўтса, “Реал Мадрид” ўзининг юлдуз футболчиларидан бири билан хайрлашишига тўғри келади. Бу ҳақда футбол журналисти Эдуардо Инда ўз Х саҳифасида маълум қилди.

“Агар Мбаппе келса, кимдир “Реал”ни тарк этиши керак, чунки клуб пул топишига тўғри келади. “Реал Мадрид” кимнидир сотиши керак, чунки кучли футболчиларни битта позицияда йиғилиб қолиши клуб учун молиявий зарар келтиради. Гап Винисиус ҳақида кетмоқда. Мбаппенинг позициясида энг кўп маош оладиган футболчи айнан бразилиялик Винисиус ҳисобланади”, дейди Инда. 

Жорий мавсумда Винисиус Жуниор “қаймоқранглилар” сафида 14 та ўйинда майдонга тушиб, 6 та гол урди ва 4 та голли узатмани амалга оширди. Бразилиялик футболчининг “Реал” билан шартномаси 2027 йилнинг ёзида якунига етади. “Transfermarkt” интернет порталига кўра, ҳужумчининг тахминий нархи 150 миллион еврони ташкил қилади.