Маск Трамп билан биргаликда халқдан мандат олганини айтди

Америкалик миллиардер Илон Маск АҚШнинг сайланган президенти Дональд Трамп билан бирга АҚШ халқидан мандат олганини даъво қилмоқда.  Бу ҳақда у кеча, 14 ноябрь куни Трампнинг Мар-а-Лаго (Флорида) мулкида бўлиб ўтган "Америка Биринчи Сиёсат Институти" ташкилотининг тантанали кечасида сўз очди.

“Халқ бизга мандат берди, бу кўриниб турибди. Халқ гапирди. Одамлар ўзгаришни хоҳлайди”, деди у.

Маск, шунингдек, нуфузли молиячи Жорж Соросдан фарқли ўлароқ, демократларни эмас, республикачиларни қўллаб-қувватлашини ҳам ҳазил қилди.

“Менимча, кимдир ўнг тарафдаги Жорж Сорос бўлиши керак”, дейди миллиардер.

Қайд этиш жоизки, аввалроқ NBC телеканали манбаларга таяниб, Трамп атрофидагилар аллақачон Маскнинг таъсиридан ва унинг сиёсатчи ёнида доимий бўлишидан чарчай бошлагани ҳақида хабар берган эди. NBC манбасига кўра, Маск Америка Қўшма Штатлари ҳамраиси сифатида ҳаракат қилмоқда ва Трампнинг иккинчи муддатга қарашларини фаол равишда илгари сурмоқда.

Трамп Маск ва бизнесмен Вивек Рамасвами ҳукумат самарадорлигини ошириш ва бюрократияга қарши курашишга қаратилган янги бўлимга раҳбарлик қилишини маълум қилди. Унинг аниқлик киритишича, янги орган Оқ уй ва унинг бошқарув ва бюджет департаменти билан ҳамкорликда кенг кўламли таркибий ислоҳотларни амалга оширади.

Сайланган президентнинг режаларига кўра, 2026 йил 4 июль, Мустақиллик декларациясининг 250 йиллигига қадар мамлакат агентликдан кичикроқ, самаралироқ ҳукумат кўринишидаги “буюк совға” олади.