Машҳур портал АПЛнинг қайси клублари ЕЧЛ йўлланмасига эга чиқишини тахмин қилди

“Манчестер Сити” клуби катта эҳтимол билан кейинги мавсумда Европа Чемпионлар лигасида иштирок этади. Бу ҳақда “Opta” нашри хабар берди.

Статистик таҳлиллар билан шуғулланадиган порталга кўра, Англия Премьер-лигаси якунларига оид навбатдаги тахмаинлар эълон қилинди. Лондоннинг “Арсенал”и ва “Ливерпуль” клублари аллақачон рақобатчиларидан анча олдидан кетаётгани боис, бу сафар кучли еттиликкача бўлган беш клуб тахминлар марказида бўлди. Ушбу клублар орасида энг катта имконият ҳозирда 6 ўйиндан буён мағлубиятга учрамаётган “Манчестер Сити”га берилган, “шаҳарликлар” 95.1% фоиз Чемпионлар лигаси йўлланмасига эга чиққан. Нашрнинг тахминича, клуб мавсумни 3-ўрин билан якунлайди. Тўртинчи ўринда “Ноттингем Форест” 80.1% билан. Ундан кейин имконияти 77.6% га баҳоланаётган “Ньюкасл” қайд этилган.

“Челси” ва “Астон Вилла” эса рўйхатнинг қуйи қисмида. “Аристократлар”га 29.7% ва Унаи Эмери бошчилигидаги “Астон Вилла”га 17.3% тахмин билдирилган.

Айни вақтга келиб, АПЛ турнир жадвалидаги топ-7 қуйидагича кўриниш олган:

1. “Ливерпуль” - 79 очко (33 ўйин);
2. “Арсенал” - 67 очко (34 ўйин);
3. “Манчестер Сити” - 61 очко (34 ўйин);
4. “Ноттингем Форест” - 60 очко (33 ўйин);
5. “Ньюкасл” - 59 очко (33 ўйин);
6. “Челси” - 57 очко (33 ўйин);
7. “Астон Вилла” - 57 очко (34 ўйин).

Маълумот ўрнида, 2025/26 йилги мавсумда Англия Премьер-лигасидан 5 та жамоа Европа Чемпионлар лигасида иштирок этади.