Марокаш Нидерландияни пенальтилар сериясида мағлуб этди

Бугун, 30 июнь куни 2026 йилги Жаҳон чемпионатининг 1/16 финал баҳсида Марокаш терма жамоаси Нидерландияни пенальтилар сериясида мағлуб этиб, нимчорак финал босқичга йўл олди. 

Ўйиннинг асосий ва қўшимча вақти 1:1 ҳисобида якунланди. Нидерландия сафида 72-дақиқада Коди Гакпо ҳисобни очган бўлса, Марокаш терма жамоаси 90+1-дақиқада Исса Диопнинг голи эвазига мувозанатни тиклади.

Пенальтилар сериясида эса Марокаш футболчилари аниқроқ ҳаракат қилиб, 3:2 ҳисобида ғалаба қозонди.

Учрашувдан кейин Коди Гакпонинг голни нишонламагани ҳам эътибор марказида бўлди. Маълум бўлишича, футболчининг турмуш ўртоғи яқинда ҳомиладорлик даврида фарзандини йўқотган. Шу сабабли Гакпо гол урганидан кейин ҳис-туйғуларини яшира олмади ва уни нишонламасликка қарор қилди.

Эслатиб ўтамиз, Марокаш гуруҳ босқичини “C” гуруҳида иккинчи ўрин билан якунлаган бўлса, Нидерландия “Ф” гуруҳида пешқадам бўлган эди.

Марокаш энди 1/8 финалда Канада терма жамоасига қарши майдонга тушади. Ушбу учрашув жорий йилнинг 4 июль куни АҚШнинг Техас штати, Хьюстон шаҳрида бўлиб ўтади.