Лукашенко мигрантларга ўз халқидек муносабатда бўлишга чақирди

north_east

“Кел, ишла ва кет”. Россияда мигрантлар учун янги тизимга ўтилади  

Беларусга хориждан келган меҳнат муҳожирлари ва уларнинг оила аъзоларига ўз оиласига қиладиган муносабатда бўлиш керак. Бу ҳақда мамлакат фуқароси Александр Лукашенко Гомель вилоятига сафари чоғида айтди.

У “Агро-Лясковичи” АЖга ташрифи чоғида фермер хўжалигининг ишчи кучи билан қизиқди. Маълум бўлишича, компания хорижликларни ҳам ишга олган – у ерда Туркманистондан борган бир неча киши ишламоқда ва улар ўзларининг юқори малакага эга эканини исботлаган.

Лукашенко бу ёндашувни маъқуллади, бироқ хориждан меҳнат муҳожирларини жалб қилиш масъулияти корхона ва ташкилотлар раҳбарларининг зиммасига юкланишини эслатди.

Унинг сўзларига кўра, улар кимни ва қанча одамни жалб қилишни ўзлари ҳал қилиши керак. Қолаверса, унинг таъкидлашича, хорижликлар Беларусга оиласи билан боргани маъқул – улар ўшанда ишга ва масъулиятга бутунлай бошқача муносабатда бўлади.

Беларусь резиденти, шунингдек, хорижликларни ишга жойлаштириш тўғрисида қарор қабул қилишда, биринчи навбатда, собиқ СССР республикаларидан келган фуқароларга эътибор қаратиш зарурлигини таъкидлади.