Лескотт айни пайтда дунёнинг энг яхши футболчиси кимлигини айтди

Англиялик собиқ футболчи Жолеон Лескотт “Реал” аъзоси Жуд Беллингемни ҳозирда дунёнинг энг яхши футболчиси деб топди. Бу ҳақда Лескотт “Daily Mail”га берган интервьюсида айтиб ўтди.

“Жуд дунёдаги энг ёрқин истеъдодлардан бири. У айни дамда дунёнинг энг яхши футболчиси. Мен Евро-2024 ҳақида оптимистик фикрдаман. Футболчилар мусобақага ўзига кучли ишонч билан боради. Жамоа таркиби ва сифатини инобатга олган ҳолда англиялик мухлислар учун бу жуда ҳаяжонли турнир бўлади. Жуд “Реал Мадрид”га катта таъсир ўтказди ва бу бирмингемлик бола учун ажойиб ҳолат. У нафақат футболчи сифатида, балки шахс сифатида ҳам жуда кучли. У ҳурматга сазовор ва мухлислар ҳайратига сабаб бўла оладиган тўп устаси”, дейди Англия терма жамоасининг собиқ ҳимоячиси.

Беллингем жорий мавсум “қироллик клуби” сафида 8 та ўйинда майдонга тушиб, 8 та гол урди ва 2 та голли узатма муаллифига айланди. Унинг “қаймоқранглилар” билан амалдаги шартномаси 2029 йилнинг 30 июнига қадар амал қилади. “Transfermakrt”га кўра, футболчининг қиймати 150 миллион еврони ташкил этади.